Qindra protestues hynë në ambientet e një kompanie mediatike në Londër.
Tubuesit kundër masave kufizuese anticovid kanë shprehur zemërimin e tyre ndaj qasjes se mediave ndaj pandemisë se koronavirusit.
Pamjet e publikuara në rrjetet sociale tregojnë turma njerëzish që hyjnë me forcë në kompaninë mediatike që mundëson transmetimet e “Channel 4”.
Demonstruesit kërkuan të flisnin me pronarin e kanalit, i cili sipas tyre, transmeton lajme të rreme për koronavirusin.
Para se t’i drejtoheshin kanalit televiziv, demonstruesit mbushën rrugët e Londrës për të shprehur pakënaqësinë e tyre për vaksinimin.
Ky incident vjen vetëm dy ditë pasi protestuesit kundër pasaportës së vaksinës tentuan të futeshin me forcë në ambientet e “BBC”.
