Irani po përballet me protesta massive në ditën e 12-të radhazi. Një valë e madhe trazirash është shkaktuar nga kriza ekonomike dhe rënia e standardeve të jetesës.
Ato nisën si demonstrata të përhapura kundër rritjes së shpejtë të inflacionit dhe kolapsit të monedhës kombëtare.
Turma të mëdha njerëzish janë mbledhur në Teheran dhe qytete të tjera.
Teksa demonstruesit kanë dalë kundër politikave ekonomike të qeverisë, interneti është ndërprerë në të gjithë vendin.
Zjarr dhe thirrje për vdekjen e Ajatollahut Ali Khamenei u hodhën në këtë tubim masiv në Teheran, natën e të enjtes, që mblodhi mijëra pjesëmarrës.
Protestuesit sulmuan dhe u vunë flakën zyrave qendrore dhe mjeteve të njësisë së al-Basixh, një grup paraushtarak famëkeq, pjesë e Gardës Revolucionare, që akuzohet për ndërhyrje të dhunshme ndaj kundërshtarëve të Republikës Islamike.
Autoritetet i kanë quajtur legjitime protestat dhe janë përpjekur të dialogojnë, por deri më tani janë vrarë 45 persona, mes tyre 8 fëmijë, ndërsa 2000 te tjerë janë arrestuar.
Gjatë natës së dymbëdhjetë të protestave, udhëheqësi suprem ajatollah Ali Khamenei tha se Republika Islamike nuk do të zmbrapset. Ai i quajti protestuesit “një grusht sabotuesish, agjitatorësh dhe njerëzish që po dëmtojnë vendin” dhe pretendoi se ata po shkatërrojnë ndërtesat e shtetit për ti plotësuar dëshirën presidentit amerikan”.
Thirrje për protesta masive natën e të enjtes bëri edhe trashëgimtari i fronit mbretëror Riza Pahlavi, i cili megjithatë nuk gëzon mbështetje të lartë mes iranianëve.
/vizionplus.tv
