Kryetari i BDI Ali Ahmeti ishte i pranishëm në protestën që po zhvillohet në sheshin “Skënderbej”, në mbështetje të ish-krerëve të Ushtrisë Çlirimtare të Kosovës.
Në fjalën e tij, Ahmeti tha se drejtësia për Hashim Thaçin, Kadri Veselin, Jakup Krasniqin dhe Rexhep Selimin është e vonuar.
Kryetari i BDI bëri thirrje për bashkimin e Shqipërisë, Kosovës dhe Maqedonisë për lirimin e çlirimtarëve.
Ai nënvizoi se Ahmeti shtoi se liria e Kosovës nuk është arenë politike dhe ndasi për shqiptarët.
Ali Ahmeti: Të nderuar atdhetarë, të ardhur nga të gjitha trevat shqiptare, organizatorë, drejtues të institucioneve të Republikës së Shqipërisë, sot jemi bashkë në Tiranë, Prishtinë e Shkup, dhe kështu qofshim përherë. Po ngremë zërin për drejtësi, për respekt, për liri e demokraci.
UÇK ka respektuar të gjitha konventat ndërkombëtare për luftë dhe nuk ka shkelur ligjet e luftës. Është dëshmuar nga gjykata ndërkombëtare dhe vendore. U dëshmua edhe nga dëshmitë amerikane dhe britanike në Hagë. Gjykimi shfaqi botërisht që UÇK ishte partnere e NATO-s amerikës dhe Evropës. Dëshmitë konfirmuan se jemi partnerë të Uashingtonit dhe Brukselit. Liria e tyre është e vonuar duhet të vijë menjëherë, pa asnjë vonesë shtesë.
Ka akoma në mesin tonë, ca që i shërbejnë agjentëve ruso-serbe, duke shpërndarë propaganda dashakeqe, pa qenë të vetëdijshëm që i shërbejnë Beogradit dhe Moskës. Liria e Kosovës nuk është arenë politike, nuk është fushë pjellore për ndasi. Duhet të bashkohemi, të bëhemi bashkë, siç u bashkuam për Kosovën Republikë, Shqipërinë në NATO.
/vizionplus.tv
