Protesta të ndryshme janë zhvilluar këtë të enjte në disa qytete të vendit, ku protestuesit kanë bllokuar disa rrugë.
Të mbështetur nga Partia Demokratike, prej katër ditësh, banorët në Kurbin, Lezhë, Shkodër, Korçë, Fier, Vlorë, Kavajë dhe në Durrës janë ngritur në protestë kundër çmimit të lartë të karburanteve, mungesës së tregut dhe në mbështetje të studentëve në Tiranë.
Protestuesit bllokojnë për disa çaste edhe rrugët dhe bëjnë përgjegjës kryeministrin Edi Rama për rritjen e kostos së jetesës.
Ndërkohë protestuesit në rrethe kanë veshur jelekë të verdhë si protestuesit në Francë duke protestuar kundër qeverisë.