Protesta e të rinjve në Lezhë, gjimnazistët bëjnë thirrje për bojkot të mësimit

Të rinj dhe gjimnazistë janë mbledhur në qytetin e Lezhës në shenjë proteste, duke iu bashkuar reagimit të studentëve që prej katër ditësh po protestojnë në Tiranë.

Protesta është shtrirë edhe në rrugët e Lezhës, ku të rinjtë janë paraqitur në oborret e gjimnazeve “Hydajet Lezha” dhe “Kolin Gjoka”.

Prej aty, ata u kanë bërë thirrje nxënësve të bojkotojnë mësimin dhe t’i bashkohen protestës.

Më pas, në qendër të qytetit, protestuesit kanë ndezur zjarr dhe kanë hedhur kapsolla.

Ndërkohë, në terren ndodhen edhe forcat e Policisë, të cilat po monitorojnë situatën me qëllim parandalimin e incidenteve dhe të një përshkallëzimi të mundshëm, pas episodeve të regjistruara një ditë më parë në disa qytete të vendit.