Gjatë seancës plenare në Kuvend, kreu i grupit parlamentar të Partisë Socialiste, Taulant Balla, pati një përplasje verbale me kryetarin e Grupit Parlamentar të Partisë Demokratike, Gazment Bardhi.
Balla kritikoi opozitën për dhunën ndaj institucioneve, duke theksuar se përgjegjësia bie mbi ata që kanë dhënë urdhra për sulme. Ai u shpreh se individët që kanë goditur institucionet, të cilët i quajti “lapanjozë”, do të përballen me drejtësinë, dhe se nuk ka parti politike që mund t’i mbrojë ata.
“Sa i përket Policisë së Shtetit, meriton respekt për detyrën që ka bërë. Thirrja ime për ju deputetët e PD-së është të mbështesni punonjësit e thjeshtë të PD.
Njërin e kishit nxjerrë të mbuluar, vetëm koka i dukej, një gjë bajate që qëllonte Kryeministrinë. Te ai grupi në mes ishin ca fytyra të mbuluar, lapanjoz që kishin marrë urdhra për të goditur institucionet. Lapanjozët do përballen me drejtësinë dhe nuk ka parti politike që i merr në mbrojtje, sepse zotrote e kushdo tjetër që i shqen me para duhet të mbash përgjegjësi. Kjo parti politike, bashkë me një matuf, duhet të mbajë përgjegjësi. Lëri këto dëngla, se ti ke bërë kallëzim për Këlliçin dhe Edmon Spahin për kongresin madhështor të dhjetorit 2021. Ti do mbash përgjegjësi, çfarë mban para dhe mbrapa, se njerëzit mbajnë përgjegjësi për veten e vet. Kryetar grupi që çon për ndjekje penale nënkryetarin e grupit. Ky është“, tha Balla në drejtim të Bardhit.
/vizionplus.tv
