Kryeministri Edi Rama ditën e protestës së paralajmëruar nga opozita, bëhet me dije se do të jetë në qytetin e Vlorës.
Ish-ministri i Infrastrukturës dhe Energjisë, Damian Gjiknuri, përmes një statusi në rrjetin social Facebook, shkruan se Rama do të jetë në Vlorë, në turin e takimeve “Bashkia që duam”.
“Në kuadër të takimeve publike të turit “Bashkia që duam”, Kryeministri Edi Rama do të jetë të Shtunën në qytetin e Vlorës. Vëmendja e shtuar e qeverisë për Qarkun e Vlorës tashmë është e prekshme përmes investimeve të kryera dhe projekteve të planifikuara. Ftoj të gjithë qytetarët të jenë në ora 10:30 në Sheshin e Flamurit ”.
Ndërkohë që prej disa ditësh, deputetët e opozitë po bëjnë thirrje se protesta nuk do të jetë paqësore, por kjo do të ketë si synim të rrethojë Kryeministrinë dhe të detyrojë deri në dorëheqje Edi Ramën.
