Kryetarja e Komisionit të Jashtëm, Mimi Kodheli deklaroi se opozita prej vitesh ka një sjellje destruktive.
Ish-ministrja e Mbrojtjes pohoi në emisionin 7pa5 në Vizion Plus se janë paguar para nga opozita jashtë vendit për të prishur imazhin e Shqipërisë.
“Nëse kjo është e vërtetë siç në fakt kemi dëgjuar, atëherë po I bëjmë një dëm të madh vendit dhe fëmijëve tanë.”
Kodheli shtoi se lufta politike e opozitës duhet të bëhet në Parlament duke sjellë në vëmendje kohën kur mahzoranca aktuale ishte në opozitë dhe vendopste marrëdhënie të kushtëzuar me Parlamentitn.
“Kur ne ishim në opozitë ndërkombëtarët na I mbyllën dyert dhe na kërkuan që të ktheheshim në Parlament sepse vetëm aty mund të bënim betejnë e duhur politke për kërkesat që kishim. Opozita e sotme, bëri një gabim të madh me djegien e mandateve.”
Duke komentuar protestën e paralajmëruar të së shtunës, Mimi Kodheli bëri apel që opozita të mos ndikohet nga lideri I saj historik I cili ka përdorur ngjarje të rënda në vend për kapital politik.
“Lideri historik I të djathtës ka përfituar shumë nga ca ngjarje të jashtëzakonshme me arkivol dhe me historira kështu që uroj shumë që Shqipëria ta ketë kapërcyer atë makth. Shpresoj që Shqipëria ta ketë tretur këtë ngërç që I rri mbi histori.”
