Kryeministri Edi Rama reagoi për protestën e bluzave të bardha të urgjencës së Lezhës për shpërblimet. Me një reagim në “Twitter”, Rama sqaroi se shpërblimi 1 mijë euro u është premtuar mjekëve dhe infermierëve që do të shërbejnë në vijën e parë.
“Unë e kam thënë shqip që do të paguajmë 1000€ mbi pagën për mjekët e infermierët në Vijën e Zjarrit! Kush ka ngatërruar vijën e zjarrit në spitalet COVID e në autoambulanca, me detyrën e bluzës së bardhë në territor, duhet të kthjellohet e të mos turpërojë bluzën e bardhë! Kush i nxit nga jashtë kërkesat për shpërblime pa asnjë sens bën politikën e mbrapshtë që ka bërë gjithnjë dhe do ndëshkohet nga populli, kush nga brenda bëhet mashë politike cënon misionin e shenjtë e moralin e bluzave të bardha në këtë luftë dhe nuk do të justifikohet në vijim!”
Mjekët dhe infermierët e urgjencës së Lezhës u idinjuan këtë të martë sepse shpërblimi për ta ishte 5 mijë lekë të rinj dhe jo 1 mijë euro, aq sa ata prisnin.
