Kreu i PD Sali Berisha ka mbledhur drejtuesit politikë mbrëmjen e sotme, për të diskutuar për aksionin opozitar të ditës së martë në 26 nëntor.
Gjatë fjalës së tij të mbajtur online, Berisha ju bëri thirrje drejtuesve politikë që të kenë një angazhim maksimal.
Ai tha se protesta e 26 nëntorit do të jetë në duart e qytetarëve. Siaps tij kjo ëhstë një protestë e vonuar, pasi revolta qytetare është e madhe.
“Kjo mbledhje e thirrur me urgjencë lidhet me protestën, me marshimin në Tiranë të qytetarëve të Tiranës dhe mbarë Shqipërisë me datën 26 nëntor, ora 5. Koha në të cilën thirret jo protesta, por mosbindja civile, është e shkurtër. Por, revolta, zemërimi i qytetarëve ndaj qeverisë rritet me shpejtësi progresive nga java në javë. Zemërimi ndaj saj është i pandalshëm. Në këtë kuadër mund të themi se protesta e datës 26 nëntor është një hap i vonuar. Ndaj dhe kërkoj nga ju, nga kryetarët e degëve, kryesitë e degëve, anëtarët e kryesive, kryetarët e grupseksioneve, anëtarët e grupseksioneve dhe mbështetësit tanë, një mobilizim të jashtëzakonshëm në mënyrë që Tirana me datë 26 të jetë e tëra në duart e qytetarëve dhe jo të qeverisë. Asgjë nuk ka më të pamëshirë se kohën dhe këtë duhet ta kemi të qartë secili nga ne. Kjo narkoqeveri nuk meriton asnjë minutë kohë të vetme. Sulmi dhe vetëm sulmi duhet të jenë qëndrimet tona”, u shpreh Berisha.
