E shtunë, 21 Nëntor 2026 Mes'dritë deri në 12:00 Në vijim ora 12:00: Lajme Ora 12:00 dhe Moti Reklamo Kontakt Karriera
Vizion Plus
Video · Vendi

Protesta, bllokohen akset kombëtare

Për mese dy orë, katër akse kryesore rrugore që lidhin Tiranën me veriun dhe jugun e vendit, u bllokuan nga opozita. Mosbindja civile krijoi kaos në qarkullim pasi makinat krijuan radhë kilometrike në Elbasan, Lushnje dhe Milot.

 

Në rrethrrotullimin e Bradasheshit në Elbasan protesta u zhvillua me tensione, ndërsa u shënua dhe incidenti i parë.

 

Reklamë

Në shenjë revolte qytetarët dogjën gomat në mes të rrugës, duke penguar lëvizjen e makinave.

 

Varfëria, papunësia dhe taksat e larta ishin ankesat kryesore të e protestuesve. Ata fajësuan kryeministrin Edi Rama për gjendjen që po kalojnë.

 

Ndërkohë për shkak të trafikut tejet të rënduar, një ambulancë që po transportonte një të sëmurë mbeti e bllokuar.

 

Pas disa minutash përpjekje protestuesit i hapën rrugën.

 

Edhe në Milot u dogjën goma makinash.

 

Banorë të katër qarqeve, Lezhë, Shkodër, Kukës dhe Dibër protestuan në kryqëzimin e Milotit kundër taksës së rrugës së Kombit, por edhe ndaj varfërisë, keqqeverisjes dhe rritjes së kriminalitetit.

 

Në mbështetje të tyre ishin edhe kryetari i bashkisë së Kukësit, Bashkim Shehu dhe kryebashkiakja e Shkodrës Voltana Ademi.

 

Ndërsa në Lushnje protestuesit kërkuan largimin e Ramës me këngë.

 

Protestuesit u mblodhën në rrethrrotullimin e Cermës. Edhe këtu protestuesit nuk i kursyen akuzat ndaj qeverisë.

 

Dhjetëra forca policie monitoruan nga larg protestat në disa rrethe, por nuk pati asnjë moment problematik që të kërkonte ndërhyrjen e tyre.

 

 

Më shumë video

Reklamë