Një konflikt për motive pronësie ndërmjet kushërinjëve në një fshat të Bulqizës është parandaluar para se të sillte një ngjarje edhe më të rënda nga ajo që në fakt ka ndodhur.
Policia e Bulqizës ka bërë arrestimin në flagrancë të shtetasit Vullnet Muça , 38 vjeç, banues në fshatin Ostren i Madh, Bulqizë, për veprën penale “Plagosje e rëndë me dashje” dhe “Mbajtje e armëve të ftohta” ndërsa u procedua penalisht edhe shtetasi me iniciale A.M per plagosje te lehte me dashje.
Vullnet Muca rreth orës 21.40 te se enjtes pas një konflikti për motive pronësie ka plagosur me armë të ftohtë thikë shtetasit Sh. M. 52 vjeç ,lindur e banues në fshatin Ostren i Mmadh, Bulqizë, duke i shkaktuar dëmtime të rënda në trup , i cili është dërguar me ambulancë në Spitalin Ushatrak Tiranë për shërbim më të specializuar, ndodhet në gjendje të rëndë .
Po ashtu autori Vullnet Muca ka plagosur lehtë shetasin A. M. 16 vjeç, djalin e shtetasit SH.M, i cili pas mjekimit ka dalë nga spitali.
Gjatë këtij konfliktit shtetasi A.M 16 vjec ka plagosur lehtë shtetasin e arrestuar Vullnet Muça.
Në cilësinë e provës materiale është marrë dhe sekuestruar arma e krimit (thika me të cilën autori ka kryer plagosjen e shetatsit Sh.M).