Prokuroria e Posaçme ka përfunduar hetimet për Blendi Tetën, i akuzuar për përfshirjen në vrasjen e ish-policit, Santiago Malkos në gusht të 2019-ës.
Dosja është dërguar në gjykatë dhe sipas organit të akuzës, Teta ka orientuar pjesëtarët e tjerë të grupit kriminal për lëvizjet e ish policit para ngjarjes.
Fillimisht, Blendi Teta u hetua për moskallëzim krimi, por nga provat të reja të marra nga tabulatet telefonike rezulton se ai ka qenë në dijeni për atentatin ndaj Malkos.
Santiago Malko u ekzekutua mbrëmjen e 27 gushtit në zonën e ‘Xhamllikut’ në Tiranë, në makinën e tij tip “BMW x5”.
