Prokuroria: 25 vjet për Fatos Sulajn

Prokuroria e Krimeve të Rënda ka kërkuar dënimin me 25 vjet burg për Fatos Sulajn, bashkëpunëtori i Ilir Kupës në arratisjen e famshme nga burgu i Trikallasë në Greqi në vitin 2013. Sulaj akuzohet për një sërë veprash penale, për të cilat është kërkuar tri herë dënim me burgim të përjetshëm, por për shkak te gjykimit të shkurtuar Prokuroria kërkoi përfundimisht dënimin e tij me 25 vjet burg. Dosja e Sulaj u gjykua më vete nga ajo e Lir Kupës dhe ndaj tij rëndon akuza për pjesëmarrje në organizatë të strukturuar kriminale, grabitje të armatosur me dhunë dhe për një seri veprash të tjera. Ndërkohë Ilir Kupa, do të gjykohet më vete, pasi nuk ka pranuar gjykimin e shkurtuar.