Një ditë pas zbardhjes së progres-raportit të Këshillit Europian për Shqipërinë, kryeministri Edi Rama dhe ambasadori i Bashkimit Europian në Shqipëri, Luigi Soreca po zhvillojnë një konferencë për median në kryeministri.
Gjatë fjalës së tij Rama u shpreh se Raporti i KE rikonfirmon edhe njëhërë bindjen se Shqipëria i ka përmbushur të gjitha kushtet për të nisur edhe formalisht atë që është vendosur më parë në Këshillin Europian dhe për të ndërmarrë së bashku me BE diskutimin e anëtarësimit.
“Raporti i KE është një tjetër në një vrazhdë të disa të tjerëve tani më, ku KE rikonfirmon edhe njëherë që Shqipëria i ka përmbushur të gjitha kushtet për të nisur formalisht negociatat dhe për të ndërmarrë diskutimin e anëtarësimit. Dua të theksoj se ne gjejmë te KE një partner të drejtë dhe të paanshëm, një partner rigoroz që e vlerëson progresin duke u bazuar në hulumtimin e fakteve në terren dhe për këtë arsye do e përsëris edhe sot nuk ka në asnjë kryeqytet të vendeve anëtarë një strukturë e ngjashme apo që të mund të konkurrojë për nga cilësua e hulumtimi dhe për nga drejtësia e gjykimin delegacionin e KE dhe të BE këtu në vendin tonë. Kur dëgjojmë pranë ditëve të vendimmarrjes të një vendit të BE se prit kështu e ashtu kjo është polikë.
Raporti i progesit është dokumenti udhërrëfyes për ne, ndërkohë që të gjithë ato të tjerat janë interference në proces me natyrë politike. Cohet një parlament andej del një parlament këtej, vjen një grup deputetësh nga një anë bëjnë deklarata që janë të lidhura me çfarë hallesh kanë vendet e tyre. Komplet legjitime, por aman nuk ka krahasim fare me çfarë përfaqëson raporti dhe vetë komisioni në pikëpamje të objektivitetit.
Raporti e vulos objektivisht se Shqipëria vjen nga një proces zgjedhor i padiskutueshëm në pikëpamje të integritetit dhe rekomandimet e OSBE. Së dyt se Shqipëria ka përparuar në reformat kyçe, të shtetndërtimit. Procesi i vettingut referohet si një proce ssuksesi”, u shpreh Rama
