Probleme me shkollat në Kosovë/ Dështon mësimi online në Maqedoninë e Veriut
Shkollat janë hapur pjesërisht në Kosovë më datë 14 shtator dhe prej një jave tashmë nxënësit kanë nisur mësimin në klasa me detyrimin që të mbajnë maskat dhe të ruajnë distancën fizike. Por në disa institucione këto kushte kanë qënë të vështira për tu zbatuar për shkak të numrit të lartë të nxënësve.
Edhe prindërit nuk e fshehin shqetësimin e rrezikut te infektimit por gjithsesi kthimn në shkolla e konisderojne vendimin e duhur.
Ndërsa në Maqedoninë e Veriut nxënësit vijojnë mësimin online por drejtuesit e shkollave, prindërit dhe mësuesit shprehen se këto kushte janë tejet problematike për shkak të mungesës së theksuar të pajisjeve teknike dhe qasjes së kufizuar në internet.
Sipas sondazheve, prindërit duan të kthejnë nxënësit në shkolla por ministria e arsimit ende nuk ka një vendim. Mësimi online deri më tani konsiderohet i dështuar pasi një numër i madh nxënësish janë pa pajisje dhe s’mund ta ndjekin ate nga shtëpia.
