Një nga fazat tepër delikate për fëmijët është kalimi nga faza e fëmijërisë në atë të pubertetit. Zakonisht kjo periudhë për djemtë fillon nga mosha 9 vjeç, deri në moshën 14 vjeç, ndërsa për vajzat nga mosha 8 vjeçe e deri në moshën 13 vjeçare.
Nëse puberteti ndodh para këtyre moshave atëherë ekspertët e quajnë të parakohshëm.
Por se cilat janë simptomat e pubertetit të parakohshëm dhe pasojat që sjell për të rinjtë do t’i gjeni të listuara në këtë artikull.
Në shumicën dërrmuese të rasteve, puberteti i parakohshëm ndodh për shkak të mënyrës së të ushqyerit, nga disa faktorë gjenetikë apo mjedisorë, të cilët e përshpejtojnë procesin.
Një tjetër arsye është fakti se gjendrat që prodhojnë hormone seksuale fillojnë të punojnë vetë dhe në rastin e vajzave është ardhja e menstruacioneve në moshë të herëshme. Ndërsa për djemtë është ndryshimi në muskulaturë, trashja e zërit etj.
Rreziku i pubertetit të parakohshëm është sepse ai pengon të arrihet gjatësia normale e trupit të njeriut paralelisht me moshën. Një trajtim në kohë dhe adekuat mund të ndihmojnë të rinjtë të mos e vuajnë gjatësinë e shkurtër.
Mënyra se si mund të trajtohet ky proces është përmes barnave të cilat kanë për qëllim të minimizojnë prodhimin e hormoneve seksuale.
Një tjetër aspekt negativ i pubertetit të parakohshëm është edhe maturimi psikologjik, të cilët i pengon fëmijët të përshtaten lehtësisht me situatat, në shkollë, fakultet etj./Living/
