Presidenti Trump paralajmëron tarifa për mallrat meksikane

Presidenti amerikan, Donald Trump, ka bërë me dije se Meksika ka 10 ditë kohë që të ndalojë valën e emigrantëve ose ndryshe do të përballet me tarifa në të gjitha prodhimet e saj.

Përmes një statusi në Twitter Trump, thekson se SHBA-ja do të vendosë tarifën  prej 5 për qind ndaj të gjitha mallrave që vijnë nga Meksika, dhe nëse vala e emigrantëve nuk do të ndalet taksa do të rriten çdo muaj duke arritur ne 25 për qind deri me 1 tetor.

“Meksika ka ligje shumë të forta për imigracionin dhe mund të ndalë lehtësisht rrjedhën e paligjshme të emigrantëve, përfshirë edhe kthimin e tyre në vendet e tyre të origjinës”.

Ndërkohë që zëvendësministri i Jashtëm meksikan, Jesus Seade, tha se tarifat e tilla do të ishin katastrofike.

Ushtruesi i detyrës së shefit të kabinetit në Shtëpinë e Bardhë, Mick Mulvaney, tha se disa republikanë në Kongres, por jo edhe demokratët, janë konsultuar rreth planit.