E hënë, 16 Nëntor 2026 Mes'dritë Live deri në 12:00 Në vijim ora 12:00: Lajme Ora 12:00 dhe Moti Reklamo Kontakt Karriera
Vizion Plus
Breaking përditësuar 4 minuta më parë
Politikë

Presidenti kthen për rishqyrtim ligjin “Për inspektimin”: Ndryshon 68 ligje të tjera, nuk i janë nënshtruar procedurës së rregullt

Kreu i Shtetit, Bajram Begaj ka kthyer për rishqyrtim ligjin e inspektimit.

Në dokumentin e siguruar nga gazetari i Vizion Plus, Ermal Qorri, argumentohet se ky ligj shkakton paqartësi dhe vështirëson zbatueshmerinë e tij.

Po ashtu, në dekret theksohet se neni 68 deri në atë 124 ndikojnë në ndryshimin e 68 ligjeve të tjera, pasi në përmbajtjen e këtyre të fundit kanë dispozita zbatuese të inspektimit.

“Ky bashkim mekanik i disa ligjeve me natyra dhe objekt të ndryshëm në një ligi të vetem shkakton potencialisht konfuzion, mbjell paqartesi, sjell pasiguri, komplikon dhe vështirëson zbatueshmerinë e ligjit.”, thuhet në njoftimin zyrtar të Presidencës.

Reklamë

Ky ligj mori “dritën jeshile” nga Kuvendi, më 13 shtator. Ndryshimet në këtë ligj u hartuan me përfshirjen e të gjitha dhomave të biznesit që operojnë në Shqipëri përfshi ato te huaja, ekspertizës se OECD.

“Ndryshimet do të ndryshojnë rrënjësisht marrëdhënien e trupave të inspektimit me biznesin dhe sipërmarrjen, duke ulur barrën ndaj tyre, me pak inspektime, jo masë administrative por paralajmërim e lënie detyrash me qellim vetrregullim, vetformalizimi”, argumentoi asokohe Delina Ibrahimi, ministre për sipërmarrjen dhe klimën e biznesit./vizionplus.tv

Vazhdo të lexosh

Reklamë