Ambasada amerikane në Tiranë ka reaguar pas mbërritjes në Shqipëri të Presidentit të 42-të të SHBA-ve, Bill Clinton.
Ambasada amerikane ka publikuar një foto nga aeroporti i Rinasit, ku zbriti në tokën shqiptare Bill Clinton.
Në foto shihet se ish-Presidenti i SHBA është pritur nga kryeministri Edi Rama dhe zv.ambasadori amerikan në Tiranë, Demian Smith.
“Mirësevjen në Tiranë Presidenti Clinton! Vizita e parë e ish-Presidentit në Shqipëri është një moment domethënës në miqësinë e qëndrueshme mes vendeve tona”, thuhet në mesazhin e ambasadës amerikane.
