Zëdhënësi i Presidentit të Republikës, z.Tedi Blushi ka bërë një sqarim për mediat në lidhje me hapat që do të ndjekë në vijim Meta për situatën politike në vend.
Këshilltari për Mediat dhe Zëdhënësi z.Tedi Blushi konfirmoi se Presidenti Meta do të kërkojë takim me të gjithë kryetarët e Partive Parlamentare që braktisën Kuvendin në shkurt 2019.
Kreu i shtetit do ta kërkojë këtë takim për të diskutuar lidhur me situatën dramatike ku ndodhet vendi, shton zëdhënësi i Presidencës.
Padyshim do të ketë edhe të tjera inisiativa, vendime dhe takime shumë të rëndësishme, mbyll njoftimin për mediat Tedi Blushi.
