Prerje dhe transport i paligjshëm i druve në Kukës dhe Dibër, IKMT bllokon 5 m³ lëndë drusore

Inspektorati Kombëtar për Mbrojtjen e Territorit ka evidentuar dy raste të prerjes dhe transportit të paligjshëm të lëndës drusore në qarqet Kukës dhe Dibër.

Në zonën e njohur si stanet e Lusnës, Drejtoria Rajonale e IKMT-së Kukës bllokoi 5 metër kub dru zjarri, të transportuar pa dokumentacionin përkatës.

Autorët u shoqëruan nga policia, ndërsa lënda drusore e konfiskuar iu vu në dispozicion Njësisë Administrative Ujmisht, për ngrohjen e shkollës dhe qendrës së fshatit.

Ndërkohë, në aksin rrugor Linos–Guri i Bardhë–Martanesh, IKMT Dibër bllokoi një automjet të ngarkuar me lëndë drusore pa dokumentacion. Për rastin janë marrë masa administrative me gjobë dhe bllokimin e lëndës drusore.