Java e 23 e Premier League ka dhuruar rezultate surprize.
Gjithcka nisi me ndalesen e radhës te Chelsea në transferten brenda kryeqytetit kundër një tjetër skuadër londineze si West Ham.
Blutë patën një nisje shumë të mirë të ndeshjes, duke e cuar topin në rrjete 3 herë në 25 minutat e para, edhe pse vetëm një prej tyre u konsiderua i rregullt dhe dy të tjerët u anulluan për pozicion të parregullt.
Siqoftë në minutën e 16 portugezi Joao Felix i dha gëzim Chelsea-s duke dërguar në rrjete me shumë lehtësi një pasim të saktë të Enzo Fernandez.
Por festa e skuadrës së Potter nuk zgjati shumë, madje vetëm 2 minuta pasi Emerson çoi në rrjete në shtyllën e dytë.
Në pjesën e dytë aktivizimi I Chilwell, Ziyech dhe Mount i dha më shumë agresivitet Chelsea-s, rastet nuk munguan, por goli nuk u realizua. Kësisoj zona Champions është tashmë një mision edhe më i pamundur pasi blutë rënditen të 9 në klasifikim.
Surprise edhe më e madhe barazimi i Arsenalit kryesues në shtëpi ndaj Brentford 1 me 1. Trossard shënoi për “topcinjte” në minute e 66 ndërsa miqtë befasuan duke realizuar golin e barazimit me anë të Toni në minutën e 74.
Diferenca nga Manchester City ndjekës është tani 6 pikë. Tottenham i Kontes u shkerrmoq në transferte 4 me 1 nga Leicester duke bërë një hap shumë të gabuar në garën për zonën Champions. Ndonëse shënuan të parët me Bentancur, londinezet morën 3 gola në pjesën e parë dhe një tjetër në të dytën duke ngritur flamurin e bardhe në këtë ndeshje.
