Një mësues 64-vjeçar në shkollën 9-vjeçare “Mustafa Lleshi” në Kashar u prangos nga policia, pasi dyshohet se ka kryer veprime të turpshme me nxënësen e tij 14-vjeçe.
Hasan Martani, u arrestua pas denoncimit që bënë në komisariatin nr.6 familjarët e vajzës së mitur.
Nëna e vajzës, Fjoralba Hyka tregon për Vizion Plus ka mbetur e befasuar nga ajo që mësuesi i shkruante 14 vjecares në rrjetet sociale.
Drejtoresha e shkollës thotë se është vënë në dijeni për ngacmimet përmes facebook, e për pasojë ka pezulluar nga detyra mësuesin e matematikës.
Policia ka siguruar ndërkaq dëshminë e vajzës. Ajo ka rrëfyer se prej kohësh abuzohej me veprime të turpshme nga mësuesi i saj kujdestar sidomos ne pushimin e gjatë.
E mitura ka ruajtur të gjitha bisedat e saj në facebook, duke ja treguar prindërve dhe policise.
Këto prova po administrohen nga Prokuroria e Tiranës, e cila do te vendosë nëse janë të vërteta apo jo pretendimet e vajzës së mitur.
Ndërkohë, gjatë marrjes në pyetje mësuesi i matematikës ka mohuar akuzat e vajzës, duke i quajtur ato trillime.
