Një shqiptar i konsideruar si i rrezikshëm u arrestua këtë të shtunë nga policia italiane. Ai akuzohet për trafik droge dhe ishte i shpallur në kërkim që prej janarit.
51-vjeçari arriti t’i shpëtonte aksionit të policisë të organizuar një muaj më parë, ku u arrestuan 22 anëtarë të një grupi kriminal italo-shqiptarë. Gjatë kësaj kohe, shqiptari ka qëndruar thuajse i izoluar në shtëpinë e tij dhe lëvizjet kanë qenë fare të pakta.
Pas sinjalizimeve, policia vuri në mbikëqyrje banesën e tij në jug të Foggias dhe ranë në gjurmët e tij. Gjatë arrestimit, shqiptari tentoi të fshihej në çati, por pa sukses.
