Një 34 vjeçar shqiptar ka rënë në prangat e policisë greke pasi u kap me 105 kilogramë marijuanë.

 

Shqiptari, identiteti i të cilit nuk bëhet i ditur, u arrestua si rezultat i një operacioni që policia greke zhvilloi në Kerasoxori, Igumenicë.

 

Sipas mediave greke, ai po udhëtonte nga kufiri I gjelbër me një mjet të marrë me qera, ndërsa gjatë kontrollit iu gjetën dhe sekuestruan 100 pako me 105 kg 460 gram marijuanë dhe 1 pistoletë TT.

 

Mediat greke pohojnë gjithashtu se 34 vjeçarit shqiptar iu sekuestruan dhe 2 celularë, 250 euro si dhe një pasaportë shqiptare me vulë hyrse të falsifikuar.

 

Shqiptarit të arrestuar I ishte ndaluar më parë hyrja në zonën Schengen.

Leave a Reply

Your email address will not be published. Required fields are marked *