Shërbimi për Çështjet e Brendshme dhe Ankesat prangosi këtë të shtunë një efektiv të Policisë Rrugore në Tiranë.
Burimet bëjnë me dije se i arrestuar është Zyber Halili.
Ai akuzohet për korrupsion pasiv, ndërsa nën hetim janë edhe disa policë dhe shtetas të tjerë.
SHÇBA nuk ka dalë ende me një njoftim zyrtar për të dhënë më shumë detaje nga operacioni.
“Sot u bë ndalimi i punonjësit të policisë Z.H., 54 vjeç, efektiv pranë Komisariatit të Qarkullimit Rrugor Tiranë për veprën penale “Korrupsion pasiv i personave që ushtrojnë funksione publike” dhe “Shpërdorim detyre”.
Gjithashtu, në lidhje me këtë rast u proceduan në gjendje të lirë, dy shtetas:
– K.T., 20 vjeç për veprën penale “Moskallzim i krimit”;
– K.M., 26 vjeç për veprën penale “Korrupsion aktiv”.
Nga provat e administruara, dyshohet se gjatë kryerjes së detyrës, punonjësi i policisë ka marrë një shumë parash nga shtetasi K.M.
Hetimet vazhdojnë për dokumentimin e plotë të ngjarjes dhe nëse ka të implikuar të tjerë të mundshëm”, njoftoi SHÇBA.
