22 persona janë arrestuar mbrëmjen e të martës në Itali, ku mes të cilëve dhe biznesmeni shqiptar Gëzim Sallaku dhe vëllezëri e tij.
Sipas medias italiane Bresciatoday.it, presidenti i klubit të futbollit Darfio, Gëzim Sallaku u arrestua me kërkesë të Drejtorisë së Antimafias italiane e prokurorisë së Brescias.
Media italiane shkruan se në pranga kanë rënë 3 vëllezërit e Gëzim Sallaku pasi i janë gjetur tre pistoleta që i mbanin pa leje.
Janë arrestuar vëllezërit Isuf, Taulant dhe Saimir Sallaku.
Nuk është e qartë ende lidhja mes personave të arrestuar por mësohet se policia ka ndërhyrë për të shkatërruar një organizatë kriminale të përbërë nga shqiptarë dhe italianë që merrej me trafikun e drogës në disa provinca në Itali.
