Polonia ka paralajmëruar se do të rrisë numrin e trupave të saj në kufirin me Bjellorusisë. Ky vendim u njoftua nga autoritetet vendase, ku theksohet se bëhet fjalë për të pakten 1000 trupa shtesë.
“Për shkak të situatës dinamike në kufirin polako-bjellorus dhe kërkesës së komandantit të rojes kufitare për mbrojtje të shtuar të kufirit, Ministri i Mbrojtjes Kombëtare ka urdhëruar zbatimin e kërkesës dhe vendosjen e ushtarëve shtesë”, tha ministri polak i Mbrojtjes Mariusz Blaszczak.
Sipas ministrisë polake të mbrojtjes, aktualisht janë rreth 2,000 trupa të stacionuar në kufi. Tensionet janë përshkallëzuar javët e fundit midis vendit anëtar të NATO-s dhe aleatit kryesor të Kremlinit, pasi Polonia akuzoi Bjellorusinë se ka lejuar grupin mercenar rus Wagner të lëvizë drejt kufirit të vendit.
