Mijëra polakë kanë dalë në protesta në kryeqytetin e Varshavës dhe në qytetet e tjera, për të kundërshtuar reformën e diskutueshme në drejtësi.
Sipas tyre, ligji i miratuar nga Senati të shtunën do të shkatërrojë pavarësinë e gjykatësve dhe do të dëmtojë demokracinë.
Por zyrtare të lartë të qeverisë reaguan duke thënë se masat janë te nevojshme, sepse gjyqësori është i korruptuar dhe u shërben vetëm interesave të elitave.
Ndërsa protestuesit mendojnë se ai u jep deputetëve dhe Ministrit të Drejtësisë fuqinë për të emëruar gjyqtarë, pa u konsultuar me qarqet gjyqësore.
Tashmë presidenti i vendit Andrzej Duda, duhet të nënshkruajë projektligjin.
Qeveria konservatore e Polonisë, e cila erdhi në pushtet në vitin 2015, ka kaluar një sërë reformash të diskutueshme, duke shkaktuar protesta masive.
