Kryetari i Komisionit Parlamentar i Integrimit, njëherësh deputeti i PD, Genc Pollo teksa ishte i ftuar në Vizion Plus, në emisionin e mëngjesit 7 pa 5, që drejtohet nga moderatorja Pranvera Borakaj, foli rreth letrës që opozita i drejtoi dje kreut të Kuvendit Gramoz Ruçi për të përjashtuar nga Delegacioni Parlamentar i Stabilizim Asociimit, deputetin Taulant Balla. Sipas Pollos lidhja e qeverisë me krimin si dhe vendosja e një personi që ka lidhje me kriminelë siç është Taulant Balla e detyroi opozitën që të kërkonte largimin e këtij të fundit nga delegacioni shqiptar i Parlamentit Europian.
“Ka një sfond të trishtuar kjo letër. Në retrospektivë kemi një ministër, që është quajtur më i miri, më i i suksesshmi, më i pëlqyeri edhe nga bota se kështu në thoshte, i cili është në akuzë ëpr përfshirje në trafik droge. Por kemi prapë një minsitër të Brendshëm që ka mbrojtur të vëllanë nga dënimi i Gjykatës italiane për 5 vjetë rresht dhe vetëm kur opozita u detyra të bënte denoncimin e dërgoi të vëllanë për të bërë dënimin në Itali. Dhe tani kemi një listë të caktuar me deputetë të PS që kanë lidhje me krimin. Prandaj propozam vettingun në politikë. Por kemi dhe njerëz të vënë aty nga bandat. Kemi ish-drejtorë ZVRPP-je që janë emëruar nga banda që janë në gjykatë dhe që presin vendimin. Por pavarësisht këtyre, absurdi është se të vendosësh një prej këtyre figurave edhe në ball të delegacionit tonë në Parlamentin Europian kjo është pika që përmbys kupën”.
Më tej, deputeti Genc Pollo u ndal edhe tek vettingu në politikë. Ai tha se vetingu në politikë synon që të largojë nga Parlamenti të gjithë politikanët që janë bashkëpuntorë të bandave dhe që i kanë shpëtuar ligjit të Dekriminalizimit.
“Por edhe pse ligji i dekriminalizimit largoi një pjesë të këtyre deputetëve, bandat kanë arritur të futin në Parlament, vajzat, miqtë apo njerëz të besuar dhe prandaj ne duam vettingun në politikë”.
