Policia britanike ka zbuluar identitetin e terroristëve në sulmin e të shtunës në mbrëmje në “London Bridge” ku mbetën 7 të vdekur dhe 48 të tjerë të plagosur.
Policia Metropolitane ka deklaruar mëngjesin e sotëm se është në kërkim të dy adresave në lindje të Londrës, një në Newham dhe një në Barking.
Ndërkohë “BBC” raporton se policia është duke bastisur një banesë në Barking, e cila dyshohet të jetë shtëpia ku ka jetuar një prej autorëve të sulmit i cili u ekzekutua nga policia.
“Scotland Yard” ka shtuar se një numër i madh personash janë ndaluar në lidhje me sulmin e të shtunës.
