Pas shtimit të rasteve me koronavirus në vend, policia nisi një aksion për mbylljen e të gjithë ambienteve ku ka grumbullime masive njerëzish.
Operacioni u zhvillua prej mbrëmjes së djeshme me urdhër të drejtorit të policisë Ardi Veliu, ndërsa janë mbyllur 522 lokale dhe bare, 29 palestra, 65 bilardo, 21 disko e pube si dhe 18 lokale me muzikë live.
kontrollet u shtrinw në të gjithë vendin, ku u angazhuan 215 patrulla të përgjithshme.
Ndërkohë policia u bën apel të gjithë pronarëve të lokaleve që të zbatojnë pa asnjë hezitim urdhrat dhe të mos i kundërshtojnë ato, pasi moszbatimi i tyre do të shoqërohet me penalitete ligjore.
Sipas urdhrit të qeverisë të gjitha ambientet ku ka grumbullime masive njerëzish duhet të qëndrojnë të mbyllura deri më 3 prill, kjo me qëllim ndalimin e përhapjes së swmundjes COVID-19.
