Në kuadër të forcimit të masave për zbatimin e rregullave të qarkullimit nga drejtuesit e mjeteve, policia e Tiranës ka kontrolluar mëngjesin e kësaj të enjtje 78 autobusë të linjave të ndryshme urbane në Tiranë, ka konstatuar se dy prej shoferëve të tyre ishin nën efektin e alkoolit.
Në sajë të këtyre kontrolleve janë marrë edhe 34 masa administrative, për shkelje të tjera të rregullave të qarkullimit rrugor.
Vendimi për të kryer këto kontrolle është marrë nisur nga shqetësimet e shumta të adresuara në numrin emergjencave 112, në lidhje me shkeljet e rregullave të qarkullimit nga drejtuesit e mjeteve të transportit publik qytetas, kryesisht telefonata për përdorim alkooli nga drejtuesit e autobusëve, manovra të rrezikshme në rrugë, mosrregullim shpejtësie etj.
