Policia ka dhënë detaje për aksionin që u zhvillua këtë të premte në hyrje të qytetit të Lezhës.
Në pranga ka rënë një person, i identifikuar si Sh.V., 27 vjeç, banues në Milot.
Policia kishte informacione që i riu, i cili lëvizte drejt Lezhës, posedonte në makinë lëndë narkotike. Për pasojë, u ndalua nga blutë e Lezhës. Mirëpo, ai nuk iu bind urdhrit të efektivit dhe ka tentuar të largohej duke përplasur automjetet e shërbimeve të policisë dhe rrezikuar jetën e tyre.
Shërbimet e Policisë kanë arritur të ndalojnë dhe neutralizojnë mjetin me drejtues shtetasin Sh.V., dhe kanë ushtruar kontroll ndaj automjetit. Gjatë kontrollit, kanë gjetur lëndë narkotike kokainë, e ndarë në doza gati për shitje.
