Policia e Korçës ka goditur një rast të armëmbajtjes pa leje dhe tentativës për kultivim të bimëve narkotike.

Në pranga përfundoi 26-vjeçari me iniciale Romeo Myftarago, ndërsa është shpallur në kërkim vëllai i tij, D.M., 21 vjeç.

Gjatë kontrollit të ushtruar në banesën dhe ambientet përreth saj që janë në pronësi të dy të rinjve, u gjetën 1 armë zjarri tip kallashnikov, një sasi me municione luftarake, 2 krëhëra dhe 2 bajoneta arme zjarri.

Po ashtu, u konstatuan edhe disa fidanë të dyshuar kanabis, të cilat dyshohet të jenë kultivuar nga dy vëllezërit në bashkëpunim me njëri-tjetrin.

Leave a Reply

Your email address will not be published.