Kërkime pa rezultat janë kryer në 5 ditët e fundit në Rodos të Greqisë për gjetjen e një emigrant shqiptar 46-vjeç.
Shqiptari është parë për herë të fundit në 28 gusht.
Zhdukja e 46-vjeçarit ka shkaktuar shqetësim të madh te bashkëshortja dhe vëllai i tij, të cilët e kërkojnë në vendet ku ai frekuentonte.
Celulari i tij mbetet i fikur, ndërsa shqetësim shkakton fakti që makina e tij u gjet e braktisur afërsisht dy kilometra larg shtëpisë së tij – në zonën e komunitetit Kalythion.
Informacionet thonë se 46-vjeçari ka qenë me miqtë e tij pasditen e së dielës, ndërsa në mbrëmjen e së njëjtës ditë ka pasur një takim të planifikuar me një klient, në një njësi hoteliere në Rodos. Nga kontrolli i bërë në kamera, u konstatua se 46-vjeçari është drejtuar drejt kësaj zone.
Policia ka kontrolluar të gjitha portat e daljes nga ishulli, por pa rezultat. Njëkohësisht po merren në pyetje edhe personat me të cilët 46-vjeçari ka pasur transaksione financiare dhe profesionale.
Të gjitha mundësitë, bazuar në të njëjtin informacion, janë të hapura dhe tashmë janë vënë në dijeni shërbime të tjera si shërbimi zjarrfikës i Rodos, grupe vullnetare etj. për intensifikimin e hetimeve që po kryhen për 46-vjeçarin.