Ndërsa vendi po shkon drejt hapjes totale, në Pogradec, hotelet kanë filluar rezervimet e para për periudhën korrik-gusht. Por ato janë shumë më të pakta krahasuar me një vit më parë.
Menaxheret e hoteleve thone se si rrjedhojë e situatës së krijuar nga virusi covid19, të gjitha rezervimet e bëra prej turistëve të huaj për këtë sezon janë anuluar. Kjo gjë ka bërë që hotelet e qytetit liqenor të shqyrtojnë mundësinë e shkurtimit të vendeve të punës.
Pogradeci tërheq çdo vit një numër të konsiderueshëm turistësh për shkak të klimës dhe kulinarisë tradicionale që ofrohet nga bizneset e zonës. Por ky vit për qytetin liqenor pritet të jetë ndryshe pasi te ardhurat do te jene me te pakta.
