E hënë, 16 Nëntor 2026 Lajme Ora 19:00 dhe Moti deri në 20:00 Në vijim ora 20:00: Det i Trazuar Reklamo Kontakt Karriera
Vizion Plus
Breaking përditësuar 30 minuta më parë
Kronikë

Pogradec/ Rrëzohet në trotuar pas daljes nga lokali, merr plagë të rënda në kokë

Një person është plagosur rëndë në kokë paraditen e sotme në qytetin e Pogradecit, pasi është rrëzuar në momentin që po dilte nga një lokal ku kishte konsumuar kafen.

Ngjarja është regjistruar në lagjen numër 3, në zonën e njohur si “Qafa e Pazarit”. Sipas informacioneve paraprake, personi dyshohet se vuante nga epilepsia.

Pas rrëzimit, ai ka pësuar një dëmtim të rëndë në kokë dhe është transportuar menjëherë në Spitalin e Pogradecit, ku ka marrë ndihmën e parë mjekësore. Mjekët i kanë qepur plagën me disa penj.

Burime bëjnë me dije se stafi mjekësor i ka rekomanduar transportimin drejt Spitalit të Korçës për kryerjen e një skaneri të kokës, për shkak të forcës së goditjes. Megjithatë, pacienti ka refuzuar transferimin dhe është larguar drejt banesës.

Reklamë

Ndërkohë, në vendngjarje ka mbërritur edhe policia, e cila ka ngritur grupin hetimor për të sqaruar rrethanat e ngjarjes.

Vazhdo të lexosh

Reklamë

Lini një koment

Me respekt — komentet moderohen nga redaksia.
Nuk publikohet kurrë.