Një aksident me pasojë vdekjen e një të moshuari është regjistruar orët e para të mëngjesit të kësaj të diele në Pogradec.
Aksidenti ka ndodhur në rrugën Pogradec-Korçë, në fshatin Gështenjas, ku shtetasi A.Sh, 35 vjeç, banues në Tiranë, duke drejtuar mjetin tip “Opel”, ka aksidentuar shtetasin Z.L, 89 vjeç, banues në fshatin Vërdovë.
Në momentin e aksidentit I moshuari ndodhej si këmbësor në rrugë dhe ka gjetur vdekjen menjëherë.
Ndërkohë drejtuesi i mjetit ndodhet i shoqëruar në ambjentet e Komisariatit, ku po kryhen veprimet e mëtejshme proceduriale.
Grupi Hetimor që po punon për sqarimin e rrethanave të ngjarjes nuk ka përcaktuar shkakun e aksidentit.