Trupat ruse vranë të paktën 10 civilë në radhë për bukë në Chernihiv, në veri të Kievit, pranë kufirit me Bjellorusinë.
Lajmi u raportua nga korrespondenti për “Suspilne news” cituar nga The Kyiv Independent.
Sulmi ka ndodhur rreth orës 10 të mëngjesit.
Nga ana tjeter bombardimet ruse goditën kullën televizive në Vinnytsia, një qytet në brigjet e lumit Buh në Ukrainën qendrore.
Sipas guvernatorit të Vinnytsia Oblast Serhiy Borzov, sulmi rus dëmtoi kullën, duke lënë banorët pa sinjal televiziv.
