Një aksident i rëndë me pasojë vdekjen e një 70 vjeçari u shënua pasditen e kësaj të hëne në aksin rrugor nacional Burrel – Klos.
Një automjet që drejtohej nga një 73 vjeçar i cili po udhëtonte nga Dibra në drejtim të Tiranës përplasi për vdekje 70 vjeçarin Bajram Muça, i cili po lëvizte në këmbë anash rrugës.
Me gjithë ndihmën e dhënë nga banorë të zonës 70 vjeçari Bajram Muça nuk mundi t’i mbijetonte përplasjes së fortë.
Po ashtu mësohet se edhe drejtuesi i mjetit 73 vjeçar emri i të cilit nuk bëhet i ditur ndodhet në gjendje të rëndë në spitalin e Burrelit.
