14 persona u arrestuan nga policia e Durrëist dhe pesë të tjerë u shpallën në kërkim pasi akuzohen si të përfshirë në një sërë ngjarjesh të rënda kriminale.
Ata u ndaluan gjatë operacionit të koduar “Porositësi”, i cili u shtri në Dibër e Tiranë, nën drejtimin e prokurorisë Durrës.
Aksioni u ndërmor pas hetimeve të një sërie ngjarjesh kriminale të ndodhura më parë si dhe dëshmisë së dhënë nga dy vëllezërit Indrit dhe Gentian Beqiraj, të cilët u përfshinë në një konflikt me disa persona të tjerë dy ditë më parë në autostradën Tiranë – Durrës.
Gjatë përplasjes fizike, njëri prej tyre u mor peng për disa minuta e më pas u la i lirë pasi policia u vendos në ndjekje të autorëve.
Ngjarja në fillim u duk rastësore, por më pas rezultoi se dy vëllezërit kishin planifikuar të vrisnin Aleksandër Lahon, i njohur ndryshe si “Rrumi i Shijakut”.
Ishte vetë “Rrumi” ai që zbuloi lëvizjet e dy vëllezërve dhe së bashku me tre miqtë e tij, njëri prej të cilëve u arrestua, organizuan rrëmbimin e tyre.
SKËNDER HITA
DREJTOR I POLICISË DURRËS
Nga tërësia e veprimeve hetimore u bë dokumentimi i plotë i kësaj ngjarjeje dhe identifikimi i autorëve të saj. Është vënë në pranga njëri prej autorëve dhe janë shpallur në kërkim 3 të tjerë. Gjithashtu u sekuestruan mjetet e përdorura në këtë ngjarje. Në automjetin me të cilin është marrë peng shtetasi I. B. janë gjetur dhe fiksuar prova shkencore.
Nga hetimet rezultoi se dy vëllezërit Beqiraj kanë vepruar si pjesë e një grupi të strukturuar kriminal pasi kanë marrë pjesë në masakrën e “Don Boskos”, ku mbeti i vrarë Erion Çela dhe u plagosën katër të tjerë.
Shënjestër e atentatit mafioz mendohet të ketë Gerond Hysenbelliu, mirepo viktime mbeti Erjon Cela 35-vjec dhe u plagosen, vellai i tij Blerim Çela, 28-vjeç nga Dibra, dhe dy persona te tjere te afert me viktimen.
Dy vellezerit Beqiraj ishin kontaktuar nga Kasandër Noga, i cili është dënuar në Belgjike kundrejt pagesave nga 50 deri 150 mijë euro, për të kryer krimin.
Fillimisht ai u kishte dhene vellezerve 6 mijë euro, ndërsa siguruan kushtet e nevojshme për kryerjen e vrasjes, si armë zjarri, automjet, motoçikletë, si dhe kanë marrë me qira një banesë, në afërsi të objektivit.
Per te kryer kete vrasje vellezerit Beqiraj kontaktuan me Kevin Zenelin, i cili gaboi objektiv pasi ne vend qe te vriste Gerond Hasanbelliun, qelloi mbi vellezerit Erjon dhe Blerim Cela.
Kevin Zeneli i cili është shpallur në kërkim.
Më pas vellezerit Beqiraj dyshohet se morën pjesë dhe në vrasjen e Arben Mërkurit në Durrës.
Në lidhje me planifikimin dhe marrjen e porosisë për vrasjen e shtetasit A. M., nga hetimet e thelluara rezultoi se 2 vëllezërit kishin siguruar kushtet për kryerjen e vrasjes së tij. Dy vëllezërit ishin porositur nga shtetasi K. Z. dhe kjo vrasje ka ndodhur pak kohë më vonë, por ende nuk është zbardhur plotësisht se nga kush është kryer kjo vrasje. Nga hetimet e thelluara rezulton se prosositësi i dy vrasjeve të mësipërme është shtetasi K. N., i cili aktualisht është i arrestuar në Belgjikë. Ky shtetas ka porositur shtetasin K. Z., i cili ka paguar dy vëllezërit, për krijimin e kushteve për kryerjen e vrasjeve.
Nga hetimet u zbulua se ata do të merrnin pjesë dhe në një vrasje tjetër pasi ishin paguar me 3500 euro.
Policia sekuestroi armë dhe një sërë sendesh të tjera, ndërsa nuk ka bërë publik emrat e të arrestuarve të tjerë, mes të cilëve është një ushtarak dhe një punonjës policie i burgjeve, i identifikuar si Flamur Bejko.
Burime per Vizion Plus bejne me dije se vellezerit Beqiraj dhe oficeri i burgjeve Flamur Bejko kane rolin kryesor ne grupin kriminal.
