Lirohet efektivi i policisë, David Medani që plagosi tre persona, mes të cilëve dy kolegët e tij, ditën e martë në Mamurras.
Gjykata e Kurbinit dha masën detyrim paraqitje për policin duke mos marrë parasysh akuzat e ngritura nga Prokuroria. Po ashtu, e njëjta masë u dha dhe për dy të arrestuarit e tjerë, Gjon Fufin dhe Rudolf Fufin, të cilët u përfshin në konflikt.
Ndërkohë është lënë në burg Nikoll Fufi, personi që u përplas fizikisht me efektivin David Medani. Masa e sigurisë 36-vjeçarit iu komunikua në spital.
Sherri që përfundoi në përdorimin e armës, erdhi pas një kontrolli që uniformat blu kryen në lokalin e fisit Fufi, për aktivitet të paligjshëm në fushën e lojërave të fatit.
