Plagosja në Durrës, 28-vjeçari në gjendje të rëndë, identifikohet autori

Një plagosje me armë ka ndodhur pasditen e kësaj të mërkure në Hamallaj të Durrësit pas një konfikti për motive të dobëta mes dy personave.

Sipas policisë pas një konflikti mes tyre 44-vjeçari A.L ka qëlluar me armë 28-vjeçarin L.R, i cili ka marrë dy plumba në trup dhe ëhstë dërguar menjëherë në spital për ndihmë mjëkësore, ku raportohet se është në gjendje të rëndë për jetën.

Lexo edhe :

Kërcet arma në Durrës, një i plagosur

Ndërkohë policiia ka mbërritur menjëherë në vendngjarje dhe ka identifikuar dhe po punon për kapjen e autorit, i cili menëherë pas ngjarjes dyshohet se ëhstë larguar me një makinnë tip “Toyota Yaris”.

Njoftimi:

Rreth orës 16:40, në Hamallaj, dyshohet se gjatë një konflikti për motive të dobëta, shtetasi A. L., 44 vjeç, ka plagosur me armë zjarri pistoletë shtetasin L. R., 28 vjeç, i cili ndodhet në spital, në gjendje kritike për jetën.

Shërbimet e Policisë, sapo kanë marrë njoftimin, kanë shkuar menjëherë në vendngjarje dhe, falë veprimeve të shpejta, kanë identifikuar autorin dhe janë vënë në ndjekje të tij.

Shërbimet e Policisë vijojnë kontrollet në zonë dhe në ambiente të ndryshme, ku dyshohet se mund të jetë fshehur 44-vjeçari.

Grupi hetimor vijon punën për zbardhjen dhe dokumentimin e plotë të rrethanave të ngjarjes.