Dy vëllezër janë vënë në pranga dhe një tjetër është shpallur në kërkim pasi akuzohen se kanë plagosur me mjet prerës një shtetas, pas një konflikti për motive të dobëta.
Sipas policisë gjatë kontrollit të ushtruar në banesën e tyre janë gjetur dhe sekuestruar në cilësinë e provës materiale katër armë gjahu.
Të ndaluarit në lidhje me këtë ngjarje janë shtetasit G. M., 39 vjeç dhe L. M., 36 vjeç (vëllezër, të dy banues në Kamëz) dhe është shpallur në kërkim vëllai tjetër i dy të arrestuarve, shtetasi A. M., 42 vjeç, banues në Kamzë.
Të tre vëllezërit, në bashkëpunim me njëri-tjetrin, në rrugën “Teuta”, pas një konflikti për motive të dobëta, kanë goditur me mjet prerës shtetasin L. D., 39 vjeç, i cili ndodhet në spital nën kujdesin mjekësor.
Gjatë kontrollit të ushtruar në banesën e këtyre shtetasve, shërbimet e Policisë gjetën dhe sekuestruan në cilësinë e provës materiale 4 armë gjahu.
