Një 44-vjeçar në fshatin Çermë-Sektor të Divjakës, ka plagosur me mjet prerës një shtetas pas një konflikti për motive të dobëta. Falë ndërhyrjes së menjëhershme të Policisë, autori është kapur dhe shoqëruar në komisariat.
Shërbimet e Komisariatit të Policisë Divjakë kanë reaguar menjëherë pas marrjes së njoftimit për konfliktin dhe kanë organizuar punën për zbardhjen e rrethanave të ngjarjes. Si rezultat i veprimeve të shpejta operacionale, është bërë e mundur kapja dhe shoqërimi i autorit të dyshuar, shtetasit L. M., 44 vjeç, banues në Çermë-Proshkë.
Sipas hetimeve paraprake, ngjarja ka ndodhur rreth orës 14:00, kur 44-vjeçari, pas një konflikti të çastit, ka goditur me thikë shtetasin F. B., 64 vjeç, banues në Çermë-Sektor. I plagosuri ndodhet aktualisht në spital, nën kujdesin e mjekëve.
Policia ka sekuestruar mjetin prerës me të cilin u krye plagosja, ndërkohë që grupi hetimor po vijon punën për zbardhjen e plotë të rrethanave të ngjarjes.
/vizionplus.tv
