Plagosi 17-vjeçarin në Shkodër, policia identifikon autorin

Policia e Shkodrës identifikoi autorin e plagosjes së 17-vjeçarit mbrëmjen e të shtunës në Shirokë.

Sipas njoftimit, shtetasi me iniciale B. G., 26 vjeç ka qëlluar me armë zjarri pas një konflikti të çastit me një 46-vjeçar.

Plumbi rikoshet ka qëlluar të miturin, që ndodhej në rrugë. Autori është shpallur në kërkim, ndërsa i plagosuri la spitalin dhe u dërgua në shtëpi.