Një 16-vjeçar shqiptar është plagosur me thikë në kraharor orët e vona të së shtunës, në zonën Via Cattaneo në Itali.
I riu u qëllua nga një bashkëmoshatar i tij për motive ende të paqarta.
Sipas mediave italiane, një nga pistat kryesore që po hetohet nga autoritetet është ajo e një tentative për grabitje që përfundoi në dhunë.
I riu u transportua me urgjencë në spital dhe u shtrua në repartin e terapisë intensive pediatrike. Pavarësisht plagës së rëndë, ai nuk është në rrezik për jetën.
16-vjeçari ka treguar ngurrim për të dhënë informacione të vlefshme për hetuesit.
Për momentin nuk përjashtohen pista të tjera, por motivi i grabitjes mbetet më i besueshmi. Policia po mbledh dëshmi dhe pamje nga kamerat e sigurisë në zonë për të identifikuar autorin e sulmit.
/vizionplus.tv
