Një pikturë e humbur nga artisti I famshëm italian I periudhës para Rilindjes, Christ Mocked, që u gjet e varur në kuzhinën e një gruaje të moshuar franceze pak kohë më parë është shitur në ankand për vlerën e 24 milion eurove, duke vendosur kështu një rekord të ri në shitjen e pikturave mesjetare.
Piktura u zbulua muajin e kaluar në Francën veriore ndërsa pritej të shitej në ankand në shifrat e 6 milion eurove.
Por oferta fituese i tejkaloi pritshmëritë pasi piktura u vlerësua katër herë më shumë sesa ishte vlerësuar paraprakisht.
Acteon Auction House tha se blerësi ishte nga Franca veriore e se kishte preferuar që të mbetej anonim.
“Kur një punë unike e një piktori aq të rrallë sa Cimabue vjen në treg, duhet të jesh gati për surpriza”, tha ankandi Dominique Le Coent për agjencinë e lajmeve Reuters.
Për vite me radhë, piktura varej mbi një pllakë të vjetër në një kuzhinë në qytetin e Compiègne. Ajo u vu re nga një ekspert, i cili e këshilloi pronaren e saj që ta vlerësonte atë nga ekspertët.
Pronarja besonte se ishte një ikonë e vjetër fetare me pak vlerë.
Testet u kryen në veprën artistike duke përdorur dritën infra të kuqe për të përcaktuar ngjashmëritë me veprat e piktorit italian Cimabue, i njohur edhe si Cenni di Pepo.
